الباشا اللي طلع القمر

اغنية انهاردة حنسميها

"الباشا اللي طلع القمر"

بيغنييها مطرب من الحبة السمرة بتاعت امريكا

و اسمه جل سكوت هيرون

مع 3 طبل بس

عن واحد غلبان اخته الفار عضها

و وشها ورم

و بقى لازم يوديها للدكتور

و يشتريلها الدوا

و يدفعله اتعابه

و هوه مكانش عامل حساب الموضوع ده خالص

لان من يومين صاحب البيت غلى الايجار

و الاسعار زادت

بسبب ان امريكا قررت تطلع القمر

فبيقرر في نهاية الاغنية

عشان ينقذ اخته

انه يوديها للدكتور

و يجيب الدوا

بس حيبعت الفواتيركلها للقمر

ملحوظتين :

- كلمة "وايتي" اللي حتسمعوها في الاغنية مش معناها الامريكي الابيض ، لكن معناها الناس الاغنياء اللي مش حاسين بالغلابة .

- تنفيذ الاغنية من ابسط ما يمكن و يؤكد لنا ان الغنى مش عايز استديو و اجهزة و تراكات . لما تعوز تغني حتعرف تغني و غناك حيوصل ما دام طالع من جواك .

اغنية الباشا اللي طلع القمر سنة 1970

علشان المركز التكنولوجي انا نازل يوم 8 يوليو

اتذكر ان عصام سالم محافظ الاسكندريه منح نادي الاتحاد السكندري عقب توليه منصبه مباشره مبلغ نصف مليون جنيه لأخراج النادي من كبوته ولكن وكما رأينا جميعا لم تشفع تلكم النصف مليون جنيه في ابقاء نادي الاتحاد في الدوري العام الممتاز لكرة القدم .

في العصور الغابره السحيقه في حقبة ما قبل الخامس والعشرين من يناير كان يوجد ما يسمي بالمركز التكنولوجي تابع لحي المنتزه في محافظه الاسكندريه وكان وجوده كحل سحري او كما اعتقد الرواد الاوائل في القضاء علي فكرة الرشاوي التي كانت تدفع بصوره شبه قانونيه لموظفي الاحياء فجاء المركز التكنولوجي ليفصل بين طرفي النزاع او الرشوه اي بين المواطن وموظف الحي عن طريق ان يكون تعامل المواطن  عن طريق المركز التكنولوجي وافراد المركز التكنولوجي وليس موظفي الحي ثم يقوم افراد المركز التكنولوجي بتخليص الاوراق والمهمات مع موظفي الحي انفسهم وهكذا  ولكن بحسب نظرية ( تأثير لية الخروف) المصريه تحول دور المركز التكنولوجي من مانع للرشوة الي ناقل لللرشوه وكما نعلم جميعا ناقل الرشوة ليس بمرتشي ن، بل تفاقم الامر واصبح المواطن المطحون يدفع الرشوة ( والعياذ بالله ) مرتين مرة لموظف المركز التنولوجي وأخري لموظف الحي أو كما يقول ابراهيم منصور ( البعض معه فكه والبعض ليس معه فكة وهكذا تمضي الحياة  .

الان وبعد التبطر علي المركز التكنولوجي وأيامه الخواليه لم يعد هناك حي من الاساس بعد ان احترق المبني وترك علي حاله بدون اي اصلاحات بل والادهي اغلق باب الحي بالطوب وكتب عليه اين الظالمون ؟ واختفي موظفي الحي من يومها  وأصبح هناك مجموعه من السماسره من مرتادي قهوه التجاريه وبيت الباشا يعملو كوسطاء بينك وبين موظفي الحي المختفين الذين لا تعلم اماكنهم ولا مكاتبهم فأصبح عليك الان ان تدفع ثلاث مرات مرة للسمسار العالم بأماكن موظفي الحي ومرة لموظف المركز التكنولوجي واخيرا لموظف الحي نفسه

كده كفايه كده كتير 

انا عايز ادفع مره واحده بس مش حلاوة هي 

وعلشان كده انا نازل يوم 8 يوليو        

مطرب كان شريطه بـ4 جنيه

اللي في الفيديو ده

مطرب كان شريطه بـ4 جنيه

و كان فيه ناس بتعرف تجيبله شرايطه بـ2 جنيه و نص كمان

و لما كان بيعمل حفلات في الجامعة

مكانش بياخد اجر

الا لو كان معاه العازفين الاجانب

فكان بياخد من المنظمين اجر الاجانب بس

في الوقت ده خرجت الشرايط دي

علموني عينيك

بنتولد

شبابيك

اتكلمي

برئ

وسط الدايرة

شيكولاتة

يا اسكندرية

الطول و اللون و الحرية

افتح قلبك

ممكن

كان الجميع وقتها يقدروا يشتروا شرايط كاسيت

و ساعتها كان عادي جدا انك طول ما انت ماشي في الشارع

تلاقي ناس بتحب منير

رغم انك كان ممكن تقعد بالايام في انتظار اغنية ليه في التليفيزيون

كان وقتها الاغاني اللي في شرايطه

ممكن تسمع زيها في الافراح اللي بتروحها

و التجريب اللي في اغانيه

كان بيوديك لعوالم مكناش نعرف عنها حاجة

فغنى مثلا الجزائري "حكمت الاقدار"

قبل ظهور "دي دي"  بـ4 أو 5 سنين

و غنى النوبي اللي شبه اللي بتسمعه لما بتروح فرح نوبي مع صحابك

من اوله لاخره نوبي و بتسمعه من غير ما تفهم بيقول ايه

بس مبسوط

و الاجمل انه كان بيلبس زيك

و بيسرح شعره زيك

و بيصور اغانيه في الحتت اللي انت بتروحها

و بيقولك لو بطلنا نحلم نموت

دخلت تقنيات حديثة في عالم السمعيات عموما

و كلنا مرة واحدة بقينا نسمع عن

الـ"بيز و السكسكة"

و الكاسيت البايونير بتاع العربية

و كان فيه ابنهار بالتقنية اللي تخليك تسمع اصوات عمرك ما سمعتها قبل كده

و ارتفع معاها سعر شريط الكاسيت من 4 لـ 6  لـ 8 لـ 10 و 12 جنيه

و بقى اسمه "ألبوم" مش شريط

و الصورة بقى اسمها "كافر" – بحرف الـ"ف" زي اللي في كلمة "فيديو"

و السكسكة سرعان ما بقى اسمها "تريبيل"

و تصوير الاغنية بقى اسمه فيديو كليب

و طريقة لبسه فضلت زي ما هيه لكن انت مبقتش عارف تجيب زيها

و شعره زاد عليه لمعة برضه

و التجريب في اغانيه بقى بيوديك لحتت مضمونة زي شادية و وردة و محمد طه و نجاة

و الاغاني النوبي بقى فيها فقرة ركيكة بالعربي

ده غير انها بقت استشراقية الطابع

و بقى يقولك : قبل ما تحلم فوق

احلم و انت فايق

و انزل للحقايق

عن مصر اللي كان شريط الكاسيت فيها بـ4 جنيه

يتحدث هذا الفيديو :

بوسا نوفا .. بوسا هوا .. بوسا مشبك

بوسا نوفا

في البرازيل

و من قلب السامبا

مع رياح موسيقى الـ"جاز" اللي اجتاحت العالم في الخمسينات و الستينات

اتولدت موسيقى الـ"بوسا نوفا" البرازيلي

سنة 1957

اعتمدت على ايقاع السامبا بالاساس

و على بنية الجملة اللحنية بتاعت الـ"جاز"

و فضلت حتى الانقلاب العسكري اللي حصل في البرازيل

سنة 1964

موسيقى الطبقى الوسطى و انت طالع

لكن مع التغير السياسي اللي سمح للغالبية العظمى من الشعب البرازيلي

انه يعبر عن نفسه من خلال الموسيقى

بدأت الالحان و التوزيعات تبتعد عن الشكل القديم

و تبقى اكثر قربا من الموسيقى شعبية

و الكلمات اصبحت اكثر قوة

بوسا هوا

كل اللي بنتكلم عنه ده

من تراث اغاني البوسا نوفا

مقعدش اكتر من 10 سنين بالكتير اوي

و طبعا 10 سنين في عمر موسيقى البشرية

يبقى بوسا هوا

رغم انه كان انتاج غزير جدا

و خرج لنا اسامي زي

ستان جيتز

جواو جيلبرتو

استرود جيبلرتو

معظمهم غنى باللغة البرتغالية المحلية

بوسا مشبك

لكن لما انتاج ال10 سنين دول

يفضل يعاد و باشكال و بلغات مختلفة

حتى يومنا هذا

يبقى ده بوسة مشبك بقى

البوسا النوفا اتغنت باللغات دي كلها

برتغالي

اسباني

انجليزي

فرنساوي

ياباني

و غيرها كتير

و اقتحمت عوالم موسيقية مختلفة عنها تماما

و اكتشفت فيها افاق مهولة

منها اغنية زي اللي معانا انهاردة

و اللي هيه اشتهر بيها "فرانك سيناترا"

سنة 1964

لكن استرود جيبلرتو

اللي من ام برازيلية و اب الماني

غنتها بالانجليزي

و بالبوسا نوفا

معانا "طير بيا عالقمر"

فيل أرجواني

أَحْتَل الْغُدَّه الدِرُقِيْه فِئْرَان الْصَّحْرَاء الْبَنَفْسَجِيَّه ، شَيْدو خَيْمَة رَمْلِيَّه دَاخِلِهَا مُكَعَب مِن الْفِلِّين أَحَاطُوْه بِسَبْع حَصَوَات وَثَنِيَّه .

أَسْتَاكْيُوز يُرْهِف الْسَّمْع ، يَتَصَيَّد الْأَصْوَات الْفَارِه عَبْر بَوَّابَات الْزَّمَن.

زُعنُف هَجَر ظَهْر أُمِّه الْطَّرِيَّه ، مَرْشُوق فَيُه سَهْم أَنْدَلُسِي ، نُقِشَت عَلَيْه حُرُوْب دَيْنِيَّه وَدَمَار الْصَّلَوَات الْخَمْس.

تَجُوْل فِي الْطُّرُقَات الْمَحْمِيَّه فِيْل أُرْجُوَانِي ، يَحْمِل صُنْدُوْق أَرَابيْسّك جَوَاه عُهْدَة

"هَارُوْن" وَنَص دُسْتُورِي ، قَاعِه مَحْفُور بِالْسُّوْس ..مَتَاهْات ، خُبِّئ فِيْه " يَهْوَة" مَلْحَوْف بِلِحَاء فِرْعَوْنِي وَبِيَدَيْه قُفَّاز فَخَّارِي

أصيل ( 9 ) ... كتاب أصيل

 أبرز ماكان يميزه , هو قدرته على الحلم فى زمن الأحلام المجهضة . 

أحببته لقدرته على التغريد خارج السرب دونما ملل . كان يدرك أنه يغرس فسيلة لن يرى ثمرتها . ورغم ذلك كان أكثر حماسا من معظم الشباب . ولأن الأدب لم يرتق فى بلادنا السعيدة الى مصاف المهنة , كان على أنور جعفر أن يغترب فى سفرتين استغرقتا القسم الأعظم من عمر أصيل . لكنه وقبل أن يرحل فى سفرته الثانية الى الامارات وضع لبنة الحلم المجهض . ترك تفاصيل وسياسة نشر كتب مبدعى الجماعة ,  المغلقة دونهم أبواب مؤسسات النشر الرسمية , تلك الموقوفة على أنصاف الموهوبين من المحاسيب , والمنتمون الى الأدب من باب الصحافة وهيئات  وزارة الثقافة . دعمت الجماعة كل كتاب نشرته ماديا من حسابها المتواضع , أملا فى أن يغطى التوزيع تكاليف النشر . بدأنا رحلة كان يراها أنور ونراها معه نواة لدار نشر . كان حلما آيلا للسقوط , لكننا بدأناه . 

فى نفس التوقيت كان حلم أنور الأول يحتضر مبددا مدخراته ومدخرات أصدقائه الأقربين .. مدخرات صغيرة لا تقوى على مناطحة حيتان الانفتاح الذين أكلوا الأخضر واليابس . اذ أفلست شركة الانتاج الفنى التى أسسها بالقاهرة . ورغم أنى كنت أحد شركائه , فقد أصر بفروسية نادرة على تحمل النتائج وحده , فسدد بسفرته الثانية كل قروش الشركاء .

ولم ينج كتاب أصيل أيضا من الغرق , الا أننا عشنا الحلم . كنا ندرك بالحدس أن أحلامنا تسبق الواقع , بينما الواقع يهرس الأحلام .

ومن بين كل أنشطة الجماعة , أعتبرت كتاب أصيل حلمى الخاص . منحته كل ساعة من النهار . وقمت بكل الأعمال التنفيذية .

كانت دفقة الابداع لدى قد تبددت بكتابة مجموعة قصص ( عش الدبابير ) حتى لقد مرت سبع سنين لم يفتح الله على بقصة واحدة , فأغرقت نفسى فى أعمال النشر . كنت أقوم باعداد نسخة الكومبيوتر , فأحملها الى المطبعة وأباشر التفاصيل حتى تضع المطبعة حملها , فأقبله كوليد . ثم نبدأ رحلة التوزيع المليئة بالاخفاقات .

مؤسسات توزيع كبرى بلا ضمير , تحرص على تحصيل حصتها نقدا عند التعاقد , ثم لا تطرح الكتاب بجدية , ثم تعيد اليك النسخ بنفس الأعداد , سالمة من كل سؤ . ولقد حققنا بعض النجاحات بجهد جماعى أسهم فيه الجميع كل حسب طاقته فى التوزيع عبر منافذ البيع داخل المدينة . لكنه جهد لم يقوعلى منح قبلة الحياه للسلسلة . فبعد اصدار أربعة كتب كان علينا التوقف , حيث نفدت قدرة الجماعة على تمويل النشر .

نجحنا أذن فى اخراج أربعة كتب الى النور هى :

- كتاب أصيل الأول : ( عش الدبابير ) مجموعة قصصية لمحسن الطوخى .

- كتاب أصيل الثانى : ( الزهر والطل ) ديوان شعر لشاكر أبو السعود .

- كتاب أصيل الثالث : (  الكشر  ) رواية لحجاج أدول . 

- كتاب أصيل الرابع : ( أنا الامام ) مجموعة قصصية لعبد الهادى شعلان .

ماقيمة الحلم عندما ينتهى الى الاخفاق ؟

انه يزرع القيمة .. ويثمر رغم عدم اكتماله أثرا يبقى دليلا على القدرة على الفعل .

موسيقى الدَب – الدال عليها فاتحة –

جامايكا زيها زي بلاد الكاريبيان

عبارة عن خليط بشري رائع مكون من

افارقة

هنود

صينيين

اوروبيين (سكوتلاندا – ايرلندا – المانيا)

عرب (لبنانيين – سوريين)

يعني لما كل واحد فيهم ينزل بآلة موسيقية

يبقى الناتج موسيقى الـ"سكا"

اللي اتطورت لموسيقى "الريجي"

بتاعت عمنا بوب مارلي

المزيكة اللي فيها خصائص الموسيقى الآسيوية

و المتمثلة في التنوع في الجملة اللحنية الواحدة

و خصائص الموسيقى الافريقية

المتمثلة في تنوع الايقاع

و خصائص الموسيقى الاوروبية

اللي بتجيد فن الهارموني – التنسيق – بين الجمل اللحنية و الايقاع

يعني احنا قدام كوكب بيلعب مزيكة مع بعضه

محقق حالة اندماج حقيقي بين سكانه و ثقافاته و مزيكته

عشان كده مزيكتهم بتلاقيلها ودن في كل حتة في العالم

انهاردة بقى احنا معانا نوع موسيقي جامايكي برضه

يعتبر تطور للـ"ريجي"

و اسمه الـ"دَب"

مزيكة الـ"دَب" هيه فن اعادة توزيع اللحن

بتفريغه من الكلمات

ما عدا الكلمات اللي ممكن تضيف بموسيقتها – مش بمعناها –

للحن الجديد

اللي بيختلف اختلاف كلي عن اللحن الاصلي

باعادة ترتيب عناصره باستخدام التباديل و التوافيق

لغرض واحد بس في النهاية

الرقص و البهجة

معانا انهاردة فرقة مشهورة بموسيقى الـ"دَب"

اسمها "ذا اجريفاتورز"

بيغنوا دَب اسمه : جا جا دَب

انبسطوا