آفرين آفرين..نصرت فاتح علي خان

الاتجاه الحديث في الغناء البديل
رايح في سكة
تعبئة الصوفية في قزايز
تسبيح و دروشة
مع قوالب موسيقية جامدة
و كلام كبير اوي
و كله في المعاني السامية

الراجل اللي معانا انهاردة بقى
بيغني لسامية نفسها
بس سامية بتاعته اسمها آفرين
و هوه اسمه نصرت فاتح علي خان
من باكستان
و عشان هوه راجل كبارة
بيسموه مولانا الاستاذ

الغريب بس
ان مولانا الصوفي اللي مشهور باغانيه للامام علي
و لآل بيت رسول الله
مشروعه الفني اتهرى سرقة من الشرق و الغرب
من الديجيهات و الترانسدانس
لغاية سامي يوسف
ما عدا الاغاني اللي في السكة ديه

نرجع لسامية بقى

مولانا بيغني لجسمها الصندلي المرمري
و وشها الحلم و التفسير
و قورة سامية البدر المنور
و بعد كل مقطع يردد
ان مهما قال
مش حيقدر يسبح بجمالهم
و يوفيهم حقهم
عشان جمالهم زي الف ليلة و ليلة
ساعة حقيقة
و ساعة خيال

الكلام الباكستاني سهل و شبه العربي بتاعنا شوية
يعني لو ركزتوا شوية مع الكلام ممكن تلقطوا كام حاجة
والتسجيل من حفلة لايف في الهند
و المزيكة مزيكة الات شعبية باكستانيه
 زي التخت الشرقي بتاعنا

يعيش الغزل الحسي
و اللي بيقدروه
و اللي يستاهلوه